|
|
بسم الله الرَّحمن الرَّحيم
قيرخ حديث حضرت محمد(ص) دن
حجة‌الاسلام صمد كامران قراملكي
اينسانلارين ياشاييشي اوچون اَن دوزگون برنامه ايسلام ديني‌نين وئرديگي بيلگي‌لردير. بير اينسان تانري تعالي‌نين ايسلام دينينده اؤيرتديگي چرچيوه‌ده ياشاييب و اوندا اولان بويروق‌لارا عمل ائتسه دونيا ياشاييشيندا موتلو و سعادتلي اولوب آخيرتينه‌ده دوزگون پايلار آپارميش اولاجاق.
بؤيوك آللاه اؤز قوللاريني دوزگون يولا يؤنتمگه ايكي گؤزل و عزيز امانت موسلمانلارا بوراخيب: قورآن و 14 معصوم(عليهم‌السلام) كي بير موسلمان بونلارين بويروق‌لارينا دوزگون عمل ائديرسه بوتون ايشلرين تانري‌نين راضي‌ليغي و اؤزونون باش اوجاليغي ايله گؤرموش اولار.
بو اساسدا ايسلامين عظمتلي رسولي حضرت محمد(صل‌الله‌عليه‌وآله‌وسلم) دن نئچه حديث سئچيب آنا ديليميزه چئويرديم. انشاءالله كي آللاه خئير ايشلريميزين سيراسيندا حئسابلار. اوخويانلار يازاري دوعا ائتمكدن اونوتماسينلار.
الاحقر صمد كامران قراملكي
1. طوُبي' لِمَنْ شَغَلَهُ خَوفُ اللهِ عَنْ خَوفِ النّاسِ.
خوْش اوْ آدامين حالينا كي آللاهين قوْرخوسو اوْنو خالقين قوْرخوسوندان ساخلار.
2. خَيْرُكُمْ مَنْ تَعَلَّمَ القُرآنَ وَ عَلَّمَهُ.
سيزين اَن ياخشي‌سي قورآني اؤيرَنيب اؤيرَدندير.
3. اَلْمُسْلِمُ مَنْ سَلِمَ المُسلِمُونَ مِنْ يَدِهِ وَ لِسانِهِ.
دوْغرو موسلمان اوْدور كي موسلمانلار اَلي و ديليندن آماندا اوْلسونلار.
4. اَلاِخْلاصُ مِلاكُ كُلِّ طاعَهٍ.
عيبادتلرين اؤلچوسو ايخلاصدير.
5. لايَنْبَغي لِمؤمِنٍ أنْ يُذِلَّ نَفسَهُ.
مؤمين اوچون اؤزونو ذليل ائتمك ياراشان دئييل.
6. الْنَّدَمُ تَوْبَهٌ.
پِشمان اوْلماق تؤوبه ائتمكدير.
7. مَنْ أمَرَ بِمَعْرُوفٍ وَ نَهي' عَنْ مُنْكَرٍ أوْ دَلَّ عَلي' خَيْرٍ أوْ أشارَ بِهِ فَهُوَ شَريكٌ.
دوز ايشه چاغيريب قولاي ايشدن ساخلايان و ياخشي‌ليغا باعيث اوْلوب يوْل گؤرسَدن، اؤزوده (اوْ ايشده) شريكدير.
8. لَيْسَ مِنّا مَنْ لَمْ يُوَقِّرِ الْكَبيرَ وَ يَرْحَمِ الصَّغيرَ وَ يَأمُرْ بِالْمَعرُوفِ وَ يَنْهَ عَنِ الْمُنْكَر.
بؤيوكلره حؤرمت و كيچيكلره رحم ائتمه‌ين و دوزلوغا چاغيرماييب قوْلاي‌ليقدان ساخلامايان بيزدن دئييل.
9. إذا عَظَّمَتْ اُمَّتي أمْرَ الدُّنْيا نُزِعَ مِنْها هَيْبَهُ الْإسْلامِ وَ إذا تَرَكَتِ الأمْرَ بِالمَعْرُوفِ وَ النَّهيَ عَنِ المُنْكَرِ لَحِقَها ذِلَّهُ المَعاصي.
منيم اومّتيم دونيا ايشيني بؤيوك توتدوقلاري زامان، ايسلامين عظمتي اونلاردان(گؤزلريندن) كؤچر. و دوزلوغا چاغيريب قوْلاي‌ليقدان ساخلاماغي ترك ائدن زامان، سوچلارين ذلالتي اوْنلاري بورويَر.
10. الذَّنْبُ عَلَي الذَّنْبِ يُميتُ القَلْبَ.
سوچ(گوٍناه) اوستوندن سوچ گؤرمك اورگي اؤلدورر.
11. مَنْ أذْنَبَ ذَنْباً وَ هُوَ ضاحِكٌ دَخَلَ النّارَ وَ هُوَ باكٍ.
سوچو گوله-گؤله گؤرن جهنّمه آغلايا-آغلايا گيرر.
12. عَجِبْتُ لِمَنْ يَحْتَمي مِنَ الطَّعامِ مَخافَهَ الدّاءِ كَيْفَ لا يَحْتَمي مِنَ الذُّنُوبِ مَخافَهَ النّارِ.
تعجّوب ائديرم اوْ كَسدن كي خسته‌ليق قوْرخوسندان يئمگيندن ميياغات اوْلور آمما اوْتون قورخوسوندان سوچدان چكينمير.
13. لا تَنْظُرْ اِلي' صِغَرِ الخَطيئَهِ وَ لكِنِ اُنْظُرْ اِلي' مَنْ عَصَيْتَ.
سوچون كيچيك‌ليگينه باخما؛ باخ گؤر كيمين سؤزوندن چيخيرسان.
14. صِلَهُ الرَّحِمِ يَزيدُ في العُمْرِ.
قوْهوم قوْنشونو يوخلاماق(صله رحم) عؤمرو اوُزون ائدر.
15. صِلْ رَحِمَكَ وَ لَو بِشَرْبَهٍ مِنْ ماءٍ وَ اَفْضَلُ ما يُوصَلُ بِهِ الرَّحْمُ كَفُّ الأذي' عَنْها.
قوْهوم قوْنشونو بير ايچيم سو ايله‌ده اوْلسا يوْخلا و اوْنلاري اذيّتدن قوْروماق اَن ياخشي صلة‌رحم دير.
16. مُداراهُ النّاسِ نِصْفُ الايمانِ ، وَ الرِّفْقُ بِهِمْ نِصْفُ العَيْشِ.
ايمانين ياريسي خالق ايله گئچينمك و اونلارينان مهريبان ترپنمك ياشاييشين ياريسيدير.
17. اَعْقَلُ النّاسِ اَشَدُّهُمْ مُداراهً لِلنّاسِ وَ اَذَلُّ الناسِ مَنْ اَهانَ النّاسَ.
خالقي گئچينديرن جماعاتين اَن اوُسلوسودور (عاغيللي‌سيدير) و اَن ذليل آدام خالقا ايهانت ائدندير.
18. اَلْجَليسُ الصّالِحُ خَيرٌ مِنَ الْوَحْدَهِ وَ الْوَحْدَهُ خَيْرٌ مِنْ جَليسِ السُّوءِ.
ياخشي يوْلداش تك قالماقدان ياخشيدير و تك قالماق قوْلاي يولداشينان اوْلماقدان يئي‌دير.
19. لا خَيْرَ في صُحْبَهِ مَنْ لا يَري' لَكَ مِنَ الْحَقِّ.
سنين اوٍچون حق قايل اولمايان ايله دانيشماغين فايداسي يوخدور.
20. اَلْغيْبَهُ اَسْرَعُ في دينِ الرَّجُلِ الْمُسْلِمِ مِنَ الْآكِلَهِ في جَوْفِهِ.
غئيبتين اثري كيشي‌نين ديني‌نه جوزامين اثريندن اونون جانينا تئزراق اولار.
21. لا تَغْتابُوا الْمُسْلِمينَ وَ لا تَتَّبِعُوا عَوْراتِهِمْ.
موسلمانلارين غئيبتين ائتمه‌يين و اوْنلارين عئيبلرين آختارمايين.
22. اَشَدُّكُمْ مَنْ مَلَكَ نَفْسَهُ عِنْدَ الغَضَبِ.
سيزين اَن گوجلوز حيرصله‌نن چاغدا اؤزونو ساخلايا ندير.
23. إذا غَضِبْتَ فَاسْكُتْ.
حيرصله‌ننده سوس.
24. اَقَلُّ النّاسِ راحَهً الْحَسُودُ.
پَخيل آدامين راحاتليغي هاميدان آز اوْلار.
25. اَكْثَرُ مَنْ يَدْخُلُ النّارَ الْمُتَكَبِّرُونَ.
جهنّمه گئدنلرين چوخو ايفاده‌لي(موتكبّير) آداملار اولار.
26. دَعْوَهُ الْمَظْلُومِ مُسْتَجابَهٌ وَ إنْ كانَ فاجراً.
ظولم گؤرموش آدام فاسيد اوْلموشسادا دوُعاسي تئز موستجاب اوْلار.
27. لَيْسَ شَيْءٌ اَسْرَعَ عُقُوبَهً مِنَ الْبَغْيِ.
ظولم كيمي تئز عوقوبته چاتان بير شئي يوْخدور.
28. يَهْرَمُ ابْنُ آدَمَ وَ يَبْقي' مِنْهُ اِثْنانِ : الْحِرْصُ وَ الْأمَلُ.
بني آدم قوْجالار، اوْندان ايكي شئي جاوان قالار : تاماهكارليق ايله آرزو.
29. إنَّ اللهَ لا يَقْبَلُ عَمَلاً فيهِ مِثْقالُ ذَرَّهٍ مِنْ رِياءٍ.
آللاه ذرّه‌جه رياسي اولان ايشي قبول ائتمز.
30. اِنَّ اللهَ عَزَّ وَ جَلَّ لَعَنَ آكِلَ الرِّبا وَ مُوْكِلَهُ وَ كاتِبَهُ وَ شاهِدَيْهِ.
جلالتلي آللاه ريبا يئييب وئرَني ، يازاني و شاهيدلريني لعنت ائديب.
31. لَيَأتِيَنَّ عَلي النّاسِ زَمانٌ لا يُبالي الرَّجُلُ بِما يَأخُذُ مِنْ مالِ اَخيهِ بِحَلالٍ اَوْ حَرامٍ.
جماعاتا ائله گون گلر كي، كيشي قارداشيندان آلديغي‌نين حلال حراملي‌ليغينا باخماز.
32. الدّينارُ وَ الدّرْهَمُ اَهْلَكا مَنْ كانَ قَبْلَكُمْ وَ هُما مُهْلِكاكُمْ.
دينار ايله ديرهم (دوٍنيا مالي) سيزدن قاباقكي‌لاري اؤلدوروبلر، سيزي‌ده اؤدوره‌جكلر.
33. رَأيْتُ عَلي بابِ الْجَنَّهِ مَكْتُوباً اَنْتِ مُحَرَّمَهٌ عَلي كُلِّ بَخيلٍ وَ مُراءٍ وَ نَمّامٍ.
بهشتين قاپيسيندا گؤردوم يازيب كي «سن پَخيله ، رياكارا و چوُغولا حرامسان.»
34. لا ايمانَ لِمَنْ لَمْ يَأمَنْ جارُهُ بَوائِقَهُ.
قونشوسو شرّيندن آماندا اوْلمايانين ايماني يوْخدور.
35. حُرْمَهُ الْجارِ عَلَي الْجارِ كَحُرْمَهِ اُمِّهِ.
قوْنشونون حؤرمتي قوْنشويا آنا حؤرمتي كيميدير.
36. اَفْضَلُ الْأعْمالِ بَعْدَ الصَّلو'هِ إدْخالُ السُّرُورِ في قَلْبِ الْمُؤمِنينَ.
نامازدان سوْنرا اَن ياخشي ايش مؤمينلرين قلبين سئوينديرمكدير.
37. إنَّ الْيَتيمَ إذا بَكي' إهْتَزَّ لَهُ الْعَرْشُ.
يتيمين آغلاماغي عرشي تيتره‌در.
38. كُلُوا الثُّومَ وَ تَداوُوا بِهِ فَإنَّ فيهِ شِفاءً مِنْ سَبْعينَ داءَ.
درمان اوٍچون ساريمساق يئيين كي اوندا 70 دردين داواسي وار.
39. إصْلاحُ ذاتِ الْبَيْنِ اَفْضَلُ مِنْ عامَّهِ الصَّلو'هِ وَ الصَّوْمِ.
ايكي نفري باريشديرماق بير ايل (موستحبّي)اوْروج نامازدان اوستوندور.
40. لا كِذْبَ عَلي مُصْلِحٍ.
باريشديرانا يالان يوْخدور.(جاييزدير)
منابع و اسناد: